Women in Tech

– Women in Tech er eit flott initiativ som har inspirert meg til å investere meir av mi tid til å inspirere andre. Spesielt jenter i alderen 13-19 år som står fremfor å velje sine framtidige vegar. Eg vil at dei skal vite at teknologi er eit reelt og levedyktig alternativ, der dei kan trivast både profesjonelt og personleg. 

Alena K. Pedersen er ...... 

Teknologi er avgjerande for verdiskaping 

Women in Tech har som mål at deltakarane skal få fleire verktøy for å styrkje eigne ferdigheiter når det gjeld strategisk historieforteljing og gjennomslagskraft.

– På Women in Tech får deltakarane relevant kunnskap, ferdigheiter og eit nettverk som vil gjera deira gjennomslagskraft enno sterkare, seiar Siren Sunnland, initiativtakar og styreleiar i Agenda Vestlandet. 

Ho trekk frem at tilgang til teknologikompetanse er heilt avgjerande for vidare verdiskaping i Norge. Derfor er det viktig å styrkje kvinnelege rollemodellar i teknologibransjen, slik at fleire vel ei teknologisk karriereretning.

– Vi må sikre at fleire jenter vel teknologifag, og eit sentralt verkemiddel er nettopp å få fleire rollemodellar. Med Women in Tech ønskjer vi å skape ein arena for nettopp dette, seier Siren.

Ekspertise på feltet

Med på laget er Executive Coach Sarah Cartwright. Ho er ein av dei fremste spesialistane på kultur, kommunikasjon og prestasjon innan teknologifeltet. Sarah har oppdrag for større selskap over heile verden, og er ein av grunnleggjarane av Verve Women – ein organisasjon som set søkjelys på kvinnelege leiarar innan teknologi. 

–  Med Sarahs visjon og lidenskap for å styrke kvinner i teknologi, inspirerer ho våre deltakarar til å nå nye høgder i sine karrierar. Hennar omfattande erfaring sikrar at våre deltakarar får den beste mogelege leiartreninga, seier Siren.

Sarah leier det 6 månader lange kurset, og deltakarane vil få individuell coaching og rettleiing frå ho undervegs.

Dette får deltakarane: 

• Individuell coaching av Sarah Cartwright 
• Utvida perspektiv på rolla som leiar på teknologifeltet 
• Trening på å styrkje sin posisjon og gjennomslagskraft som leiar 
• Rom for å reflektere rundt eigen motivasjon og eigne styrkar 
• Eit større nettverk av andre, kunnskapsrike kvinner som satsar i teknologibransjen 

Praktisk informasjon

Kurset er for kvinner mellom 30-45 år på Vestlandet som jobbar innan teknologi som er, eller har ambisjoner om å vere leiar. Kurset er gratis.

Programmet og coaching vil gå føre seg på engelsk. Du må derfor beherske engelsk for å få utbytte av programmet.

Omfanget på kurset er tre fysiske samlingar, og fire digitale samlingar. 

Søknadsfrist og meir informasjon for nye deltakarar kjem hausten 2024.